Ыстық тамақпен қамтылу

Аудан көлеміндегі 11, 35 орта мектептерінде оқушылардың уақытылы, дұрыс тамақтануы басты назарға алынған, асханаларының тазалығы санитарлық талаптарға сай, оқушылары ыстық тамақпен қамтылған. Жаңа оқу жылында «Білім алушылар мен тәрбиеленушілердің жеке санаттарына тегін тамақтандуыруды ұсыну» мемлекеттік қызмет стандарты негізінде ЖББҚ есебінен көп балалы, толық емес, жетім, ата-анасының қамқорлығынсыз қалған отбасында тәрбиеленіп жатқан оқушылар «Жалпыға бірдей білім беру» қоры есебінен №35 орта мектебінде 62 оқушы, №11 орта мектебінде 252 оқушы тегін тамақтанады. Кесте бойынша комиссия мүшелері мектеп асханасының жұмысын тексеріп отырады. Әкімшілік, мұғалімдер тарапынан кезекшілік өз деңгейінде өткізіледі. Ұстаздар, ата-аналар, оқушылар асхана жұмысын жақсы деп бағалайды. Ата-аналардан алынған сауалнамаларда мектеп асханасының жұмысына оң баға беріп, ризашылықтарын білдіруде.