Ас - адамның арқауы
Ас – адамның арқауы
Ас – адамның арқауы, ағза дене жүктемесінде ғана емес, тыныштық жағдайында да шығындайтын қуат көзі. Ас ішу біздің жасушаларымыз бен тіндерімізді жаңартуға мүмкіндік береді. Дұрыс тамақтану жүрек-қантамыр, асқазан-ішек жолдары, қантдиабеті, остеопороз, онкологиялық аурулардың алдыналу үшін, сыртқы орта әсеріне қарсы тұру үшін, ағзаның жұмысқа қабілеттілігін арттыру үшін, белсенді ұзақ өмір сүру үшін қажет. Аудан көлеміндегі 35 орта мектебінде оқушылардың уақытылы, дұрыс тамақтануы басты назарға алынған, асханаларының тазалығы санитарлық талаптарға сай, оқушылары ыстық тамақпен қамтылған. Жаңа оқу жылында «Білім алушылар мен тәрбиеленушілердің жеке санаттарына тегін тамақтандуыруды ұсыну» мемлекеттік қызмет стандарты негізінде ЖББҚ есебінен көп балалы, толық емес, жетім, ата-анасының қамқорлығынсыз қалған отбасында тәрбиеленіп жатқан оқушылар «Жалпыға бірдей білім беру» қоры есебінен №35 орта мектебінде 62 оқушы тегін тамақтанады. Кесте бойынша комиссия мүшелері мектеп асханасының жұмысын тексеріп отырады. Әкімшілік, мұғалімдер тарапынан кезекшілік өз деңгейінде өткізіледі. Ұстаздар, ата-аналар, оқушылар асхана жұмысын жақсы деп бағалайды. Ата-аналардан алынған сауалнамаларда мектеп асханасының жұмысына оң баға беріп, ризашылықтарын білдіруде.
№35 орта мектеп әлеуметтік педагогы Дюсембек Жания Маратқызы