«Кемел келешектің жас түлектері»

«№9 орта мектеп» КММ-де мектеп бітіруші түлектерге арналған «Кемел келешектің жас түлектері» атты челлендж өз жалғасын тапты. Іс-шара аясында түлектер *«Атамекен»* патриоттық әнін орындап, туған елге, Отанға деген сүйіспеншіліктерін ән арқылы жеткізді.

Челлендждің мақсаты – жас түлектердің бойында елге деген мақтаныш пен құрмет сезімін қалыптастыру, ұлттық рухты көтеру, азаматтық жауапкершілікті нығайту.

«Атамекен» әні – түлектердің жүрегіндегі туған жерге деген ыстық ықыластың, тәуелсіз Қазақстанға деген адалдықтың көрінісі болды.

Іс-шараға ұстаздар мен ата-аналар да белсене қатысып, түлектерге сәттілік пен жарқын болашақ тіледі. Челлендж оқушылардың бойында патриоттық рухты оятып, мектеппен қоштасу сәтін ерекше әсерлі етті.